எங்கே தேடுவேன் பணத்தை - Enge theduven panathai Lyrics

எங்கே தேடுவேன்

எங்கே தேடுவேன் பணத்தை எங்கே தேடுவேன்
உலகம் செழிக்க உதவும் பணத்தை எங்கே தேடுவேன்
உலகம் செழிக்க உதவும் பணத்தை எங்கே தேடுவேன்
அரசர் முதல் ஆண்டியும் ஆசைப்படும் பணத்தை எங்கே தேடுவேன்
அரசர் முதல் ஆண்டியும் ஆசைப்படும் பணத்தை எங்கே தேடுவேன்

கறுப்பு மார்க்கெட்டில் கலங்குகின்றாயோ
கஞ்சன் கையிலே சிக்கிக்கொண்டாயோ.. ஓ..
கறுப்பு மார்க்கெட்டில் கலங்குகின்றாயோ
கஞ்சன் கையிலே சிக்கிக்கொண்டாயோ..
கிண்டி ரேசில் சுத்திக் கிறுகிறுத்தாயோ
கிண்டி ரேசில் சுத்திக் கிறுகிறுத்தாயோ
அண்டின பேர்களை ரெண்டும் செய்யும் பணத்தை
எங்கே தேடுவேன்..
பணத்தை எங்கே தேடுவேன்..


பூமிக்குள் புதைந்து புதையல் ஆனாயோ
பொன்னகையாய் பெண்மேல் தொங்குகின்றாயோ
பூமிக்குள் புதைந்து புதையல் ஆனாயோ
பொன்னகையாய் பெண்மேல் தொங்குகின்றாயோ
சாமிகள் அடிகளில் சரண் புகுந்தாயோ
சாமிகள் அடிகளில் சரண் புகுந்தாயோ
சந்நியாசி கோலத்தோடு உலவுகின்றாயோ
எங்கே தேடுவேன்..
பணத்தை எங்கே தேடுவேன்..


திருப்பதி உண்டியலில் சேர்ந்துவிட்டாயோ
திருவண்ணாமலை குகை புகுந்தாயோ
திருப்பதி உண்டியலில் சேர்ந்துவிட்டாயோ
திருவண்ணாமலை குகை புகுந்தாயோ
இருப்பு பெட்டிகளில் இருக்கின்றாயோ
இருப்பு பெட்டிகளில் இருக்கின்றாயோ
இரக்கமுள்ளவரிடம் இருக்காத பணம்தனை
எங்கே தேடுவேன்..
பணத்தை எங்கே தேடுவேன்..


தேர்தலில் சேர்ந்து தேய்ந்து போனாயோ
தேகசுகத்துக்காக ஊட்டி சென்றாயோ
தேர்தலில் சேர்ந்து தேய்ந்து போனாயோ
தேகசுகத்துக்காக ஊட்டி சென்றாயோ
சுவற்றுக்குள் தங்கமாய் பதுங்கிவிட்டாயோ
சுவற்றுக்குள் தங்கமாய் பதுங்கிவிட்டாயோ
சூடம் சாம்பிராணியாய்  புகைந்து போனாயோ
எங்கே தேடுவேன்..
பணத்தை எங்கே தேடுவேன்..

உலகம் செழிக்க உதவும் பணமே பணமே பணமே பணமே... ஏ...