எனை திறக்கும் அன்பியே
எந்தன் நண்பியே நண்பியே
எனை இழுக்கும் இன்பியே
பப்பா.. பபபா... பா....
எந்தன் முகம் காட்டும்
புன்னகைகள் தீட்டும்
மனதின் கண்ணாடி நீயே
என்னை என்னைப் போலே
ஏற்றுக் கொண்டதாலே
எதிரொலி ஆகிடுவாயே
கண்டதை பாடவும்
கண்மூடி ஆடவும்
என் துணை ஆகிட வந்தாயே
சண்டைகள் போடவும்
பின்வந்து கூடவும்
ஆயிரம் காரணம் தந்தாயே
வண்ணங்கள் நானே
நீ தூரிகையே
எந்தன் நண்பியே நண்பியே
எனை திறக்கும் அன்பியே
எந்தன் நண்பியே நண்பியே
எனை இழுக்கும் இன்பியே
எந்தன் மனம் பார்க்க
சொல்வதெல்லாம் கேட்க
கிடைத்த ஒரு உயிர்த் துணை நீயே
என் சிரிப்பில் பாதி
என் துயரில் பாதி
பகிர்ந்து நீ அருந்துகிறாயே
எல்லாமே பொய்யென
நீ மட்டும் மெய்யென
என் அச்சம் யாவையும் கொன்றாயே
நான் இங்கு உண்மையா
உன் கையில் பொம்மையா
யாரிந்த நானென சொன்னாயே
செவ்வானம் நானே
நீ அவந்திகையே
எந்தன் நண்பியே நண்பியே
எனை திறக்கும் அன்பியே
எந்தன் நண்பியே நண்பியே
எனை இழுக்கும் இன்பியே
மெய் நிகராட்டங்கள் ஆடிடும் போது
ஆயிரம் எதிரிகள் போர்க்களம் மீது
எந்தன் படை ஒன்றில் நீயும் இருந்தால்
அந்த வெற்றி எந்தன் காலடியில்
இணைய தொடரை
இணைந்தே இனி காண்போமே
அழுதால் உடனே நீ துடைப்பாய்
மனதில் நினைத்து
ஒரு சொல் சொல்லும்போதே
தொடங்கும் எதையும் நீ முடிப்பாய்
நீயும் எந்தன் தனிமையே
அதை விட இனிமையே
இதயச் சுவரில்
இறைவன் வரையும்
குறுநகையே
எந்தன் நண்பியே நண்பியே
எனை திறக்கும் அன்பியே
எந்தன் நண்பியே நண்பியே
எனை இழுக்கும் இன்பியே
No comments:
Post a Comment